குட்டுமுக் சிவன் கோயில்

குட்டுமுக் சிவன் கோயில், இந்தியாவின் கேரள மாநிலத்தில் உள்ள குட்டுமுக் மகாதேவருக்குக்குரிய கோயிலாகும். இக்கோயில் திருச்சூர் மாவட்டத்தில் திருச்சூருக்கு வடகிழக்கே 5 கி.மீ. தொலைவில் அமைந்துள்ளது. ^[1] இங்கு வழிபடப்படுகின்ற சிலை 300 ஆண்டுகளுக்கும் மேலானதாகக் கூறப்படுகிறது. ஆனால் அது தொடர்பாக எவ்வித வரலாற்று பதிவுகளும் காணப்பெறவில்லை. 'குட்டுமுக்' என்ற பெயர் குட்டி மக் என்பதிலிருந்து உருவானதாக நம்பப்படுகிறது.

வரலாறு[தொகு]

இங்கு வழிபடப்படுகின்ற சிலை "கிராத மூர்த்தி" என்று அழைக்கப்படுன்ற, சிவனின் மற்றொரு வடிவமாகும். இந்த வடிவில்தான் இறைவன், அர்ஜுனனின் பக்தியைச் சோதிப்பதற்காக, வேட்டைக்காரனாகத் தோன்றி அவனுடன் சண்டை போட்டதாகக் கூறுவர். அர்ஜுனனின் பக்தியால் ஈர்க்கப்பட்ட சிவன் அவருக்கு " பசுபதாஸ்திரம் " என்ற ஓர் ஆயுதத்தைத் தந்தார். ஒருமுறை மைசூர் இராணுவம், திப்பு சுல்தான் தலைமையில் இக்கோயிலைத் தாக்க முற்பட்டபோது, எங்கிருந்தோ வெளியே வந்த தேனீக்கள் கூட்டம் அவர்களைத் தாக்கி, அவர்களை பின்வாங்கச் செய்தது.^[2]