காற்று உணர்திறன்
காற்று உணர்திறன் (Air sensitivity) என்ற சொல் பொதுவாக வேதியியலில் காற்றின் பகுதிப் பொருள்களுடன் வேதிச் சேர்மங்களின் வினைதிறன் பற்றி கூறுவதற்காகப் பயன்படுத்தப்படுகிறது. பெரும்பாலும் வினைகள் வளிமண்டலத்திலுள்ள ஆக்சிசன் (O2) அல்லது நீராவியுடன் (H2O)[1] நடைபெறுகின்றன. மேலும் காற்றின் மற்ற பகுதிப்பொருள்களான கார்பன் மோனாக்சைடு (CO), கார்பன் டையாக்சைடு (CO2), நைட்ரசன் (N2) ஆகியவற்றுடனும் வினைகள் நிகழ வாய்ப்புள்ளது.[2]
காற்றில்லா தொழில்நுட்பங்கள்[தொகு]
காற்று உணர்திறன் கொண்ட சேர்மங்களை கையாளுவதற்காக பல்வேறு காற்று இல்லாத நுட்பங்கள் உருவாக்கப்பட்டுள்ளன. கையுறைப்பெட்டி மற்றும் வெற்றிட வாயுப் பன்மடியம் என்ற இரண்டு முக்கிய காற்றில்லா தொழில்நுட்பக் கருவிகள் உள்ளன.[3] கையுறைப்பெட்டி என்பது ஆர்கான் அல்லது நைட்ரசன் போன்ற மந்த வாயுக்களால் நிரப்பப்பட்ட ஒரு பெட்டியாகும்.[4] சாதாரண ஆய்வக உபகரணங்களை கையுறைப்பெட்டிகளில் அமைத்து கையாளலாம். வெற்றிட வாயுப் பன்மடியம் என்பது வெற்றிடம் மற்றும் மந்தவாயு இரண்டையும் பயன்படுத்தும் ஓர் அமைப்பாகும். தேவைக்கேற்றவாறு இக்கருவியில் உள்ள கண்ணாடியைப் பயன்படுத்தி வெற்றிடத்தை உருவாக்கவோ அல்லது மந்த வாயுவை நிரப்பிக்கொள்ளவோ முடியும்.[5]
படத் தொகுப்பு[தொகு]
-
வெடிப்பு அல்லது வெடிப்புக்கு எதிராக கூடுதல் பாதுகாப்புடன் வெற்றிடத்தில் ஆபத்தான பொருட்களைக் கையாளும் உலோக கையுறை பெட்டி -
ஒரு சாதாரண கையுறை பெட்டி, கையாளுதலுக்கான இரண்டு கையுறைகளைக் காட்டுகிறது, வலதுபுறத்தில் காற்றுத்தடுப்பி உள்ளது. -
நான்கு பகுதிகளுடன் வெற்றிட வாயுப் பன்மடியம். வலதுபுறம் குளிர்விப்புக் குழாய் உள்ளது. -
நெருக்கப் படம், இரட்டைச் சாய்வு அடைப்பான்கள். வெற்றிடம் அல்லது மந்த வாயுவை தெரிவு செய்து கொள்ள பயனாகும்.
மேற்கோள்கள்[தொகு]
- ↑ Handling and Storage of Air-Sensitive Reagents பரணிடப்பட்டது 2012-09-28 at the வந்தவழி இயந்திரம், Technical Bulletin AL-134, Sigma-Aldrich
- ↑ Dr. P. Wipf. "Techniques for handling air and moisture sensitivity" (PDF).
{{cite web}}: Cite has empty unknown parameter:|dead-url=(help) - ↑ W. Bouwkamp, Marco (2008). working with air and moisture sensitive compounds. Stratingh Institute for Chemistry, University of Groningen. pp. 4, 6.
- ↑ Glove Boxes, The Glassware Gallery
- ↑ "The Glassware Gallery: Schlenk Lines and Vacuum Lines". www.ilpi.com.